गडद जांभळं
भरलं आभाळ
मृगातल्या सावल्यांना बिलोरी भोवळ
खोलवरी चिंब बाई मातीला दरवळ
मातीला दर्वळ
निर्मळ पाण्याला
झाडांच्या गाण्याला बाई मखमली झीळ
भरलं आभाळ
मृगातल्या सावल्यांना बिलोरी भोवळ
खोलवरी चिंब बाई मातीला दरवळ
मातीला दर्वळ
निर्मळ पाण्याला
झाडांच्या गाण्याला बाई मखमली झीळ
सांजेच्या मलूल
धुळवळ वेळेला
भरल्या पदरानं झाकावी भूल
बिलोरी हातांना
मोराचं गोंदण
चांदण्याचं बन बाई पेटलं पाण्यानं
जांभळीच्या झाडाला गंऽ सांगावा शकून.
- ना धों महानोर
No comments:
Post a Comment