पाऊलचिन्हे

देव आहे- नाही ह्या वादात बरेच जणं जेव्हा अडकतात तेव्हा कुसुमाग्रज आपल्यातल्या आशावादाला देव मानतात आणि "त्याच" आस्तित्व दाखवातात. पहाटे अंधार दूर करून जो दिनकर आपल्याला प्रकाशाची पाऊलचिन्हे दाखवतो... तो देवच नाही का?

पाऊलचिन्हे

मी एक रात्री त्या नक्षत्रांना पुसले

“परमेश्वर नाही घोकत मन मम बसले
पण तुम्ही चिरंतन विश्वातील प्रवासी,
का चरण केदवा तुम्हास त्याचे दिसले

तो आहे किंवा नाही कुणा न लागे ठाव

प्रज्ञेची पडते जिथे पांगळी धाव

गवसे न किनारा, फिरे जरी दर्यात

शतशतकांमधुनी शिडे उभारून नाव!”

स्मित करून म्हणाल्या मला चांदण्या काही
तो मुक्त प्रवासी फिरत सदोदित राही
उठतात तमावर त्याची पाऊलचिन्हे
त्यांनाच पुसशी तू, ’तो’ आहे की नाही!

-कुसुमाग्रज