तू...

तू...

आळस दिला गात्रांनी,पण स्पर्शात अजूनी तू,

पुन्हा एकदा रात्रीसम, मिठीत मजाला घे तू

चिरतरूण रात्र अजुनी कुशित मजला घेते,

बावरलेला मी, तू ती रात्र होऊनी जाते,

आठवणीत त्या रात्रीच्या फक्त तू अन तू

पुन्हा एकदा रात्रीसम, मिठीत मजाला घे तू

मोकळ्या केसात तुझ्या मी रात्र शोधीत होतो,

निशिगंधाची नक्षत्रे मी तयात माळीत होतो,

चंद्रकोर ती भाळावरली चांदणं ल्याली तू,

पुन्हा एकदा रात्रीसम, मिठीत मजाला घे तू

उत्कंठा वाढत होती, रात्रीसत्या जाळीत होती,

घेता मिठीत तुजला, रात्रही गाली लाजत होती,

कुशितल्या स्वप्नांची मग पहाट केली तू

पुन्हा एकदा रात्रीसम, मिठीत मजाला घे तू

-प्रथमऋतू