थेंब थेंब पावसाचा तुला चिंब भिजवत असेल,
बघ सये तोच पाऊस तुला काही सांगत असेल
पावसाच्या जाळीमधून गार वारा वाहत असेल,
काळ्या काळ्या मेघांमधे इंद्रधनू फसले असेल,
ऐक गाणे पावसाचे, ते तुला साद घालत असेल,
बघ सये...
हिरव्या हिरव्या रानाaaचे न्हाणे आता झाले असेल,
आसमंतही सूर्यफुलांनी सर्वत्र सजले असेल,
द्रुष्टी पडता सूर्यफुलाची, तेही गाली हसले असेल,
बघ सये...
क्षितीजावरती सूर्य आता अस्ताला जात असेल,
ऊब काढून स्रुष्टीमधली हवेत गारवा भरत असेल,
ओल्याचिंब भिजल्या तुला, मिठीत माझ्या यायचे असेल,
बघ सये...
रात्रीचा एकांत हा, तुझ्या सोबतीला असेल,
पाऊसही खिडक्यांमधून, घरामधे शिरत असेल,
दार उघड बघ पाऊस, अंगणात माझ्या तोच असेल,
बघ सये...
-प्रथमेश किशोर पाठक.
No comments:
Post a Comment