या देशाचा आज-काल काय भरवसाच नाय

　

काय करतो आपण आणि होतं काय
या देशाचा आज-काल काय भरवसाच नाय...

राजकारणाच्या तव्यावर नेत्यांची पोळी,
कोणिही उठून रोज पब्लिक प्रोर्पटी जाळी
कोण बरोबर कोण चुक, कुणावर आता विश्वासच नाय....

अतिरेकी इथे दिवसा ढवळ्या घालतात गोळ्या
पब्लिक प्लेस, पोलिसांची घरं, चार भिंतीना जाळ्या
कुठे होइल फायरींग, कुठे पडेल बॊंम्ब, आता कसला हिशोबच नाय....

तरीसुद्धा आपण साजरा करतो स्वातंत्र्य दिवस
ज्या देशात देशाचाच ना कुणी उरलाय वारस
जो तो स्वातंत्र्य दिवसाला पसरून पडलाय हात-पाय.....

नाही जनाची तर असावी मनाची तरी लाज
स्मरावे एकदातरी हुतात्म्यांना ज्यांनी चढवला भरतावर स्वातंत्र्याचा साज
ठरऊ मिळून सारे किमान आज तरी तिरंगा रस्त्यावर पाडायचा नाय.....

काय करतो आपण आणि होतं काय,
या देशाचा आज-काल काय भरवसाच नाय...
-
ऋतू