शेतकऱ्याची जीवनगाथा

झाड वसंताना फुलूनही त्याच्या जीवनाचा पान वाळकंच आहे
घनघोर कोसळणारा पाऊस  आणि घर त्याच गळकच आहे !! ध्रु !!

कष्टानं धान्य पिकून हि माणूस्किलाच बाजारात भाव नाही,
भुकेने आतुरल्या पोटाला अजून सुखाचा गाव नाही
अचाट महागल्या बाजारात त्याला मारण्यासही वाव नाही
ताज्या भाकरीची चव अजून जिभेला ठाव नाही
त्या ठिगळे लावलेल्या सदर्यावरच ते ठिगळ सुद्धा मळक आहे !! १ !!

मातीमध्ये जन्म आणि जीवनाची सुधा माती आहे
घरामध्ये अंधार आणि बिन तेलाच्या वाती आहेत
निगड भावपाश्यात गुंतलेली निगड प्रेमाची नाती आहेत
जगात रोख जगण्यासाठी जीवनाचीच उधारीची खाती आहेत
त्या ताव्याखाली भाकरीस आतुर एक लाकूड अजून जळक आहे !! २ !!

डोक्यावरती कर्ज आणि गळ्याभोवती फास आहे
पण हदयातून वाहणारा माणुसकीचा सुहास आहे
हुंडाबळी च्या रस्त्यावर लीकीचा प्रवास आहे
पावसासाठी आसुसलेले डोळे आणि सावकाराचा सहवास आहे
एकाच मायची लेकर सारी पण एक लेकरू अजून पोरक आहे !! ३ !!

- भूषण