किड्याच्या दंशाने हातावर पुळी आली
आजुबाजूला त्वचा लालभडक...
पुळी जळत होती आतून दिवसभर...
जरा दु:खाचा विसर पडावाम्हणून संध्याकाळी
खिडकीत येऊन उभा राहिलो...
खिडकीतून बाहेर बघताच जाणवलं,
पुळीच्या वेदनेनं त्रास होणारा मी एकटाच नाहीये...
सक्षितीजावर लालभडक रॅश आणि एक पुळी
जी आता अस्ताला जात होती...
दिवसभर जळजळ करून!
.
.
.
आता चंद्राचं सोफ़्रामायसीन लावावं लागणार!
- प्रथमेश किशोर पाठक
No comments:
Post a Comment